Willkommen im Tierschutzverein Tierheim Altmünster

Weil uns Tierschutz am Herzen liegt!

Des schenste Weihnochten ….

Nov 24, 2020 | News

…. des feier i des Joahr. Jo und wia i feiern werd, nämli mit meiner neichn Familie. Na ihr brauchts eich nid de Augal reim, ihr hobts richtig glesen, MIT MEINA NEICHEN FAMILIE!

De Grinsekatze auf dem Foto, jo des bin i – i da Cuba. I bin do scho in meim neichn Dahoam und mir geht´s so richtig guat. Meine Menschen san kuma und woitn mi kenna lerna und i konn nid amoi song es woa Liebe auf den ersten Blick – na, es woa Liebe auf den ersten Schnüffla. Sie hom mir a Zuhause gem wo i endlich so richtig zöh, Hund sei derf und a de Liebe erfoahr de mir in meim Lem oafoch obgonga is. I hobs endlich gschofft, endlich derf i lem, guat lem. Endlich hot mi wer gern, so richtig gern.

I hob nima dro glaubt, de Hoffnung scho fost aufgem khobt, weil a jedes moi nochn Spazierngeh hob i wieda in mein Zwinga miassn. I hob oft so fürchterlich gweint und bettlt das i doch a zu meim Herrli mog, owa nix is passiert.

Onfrogn woan einige owa meist mit 1 oder 2 weiteren Hunden, des is jetzt ehrlich gsogt ned so meins. I wü meine Menschn scho fia mi aloa hom und ned a nu teiln miassn. Womöglich kriagt der ondare Hund donn mehr Streicheleinheitn oda Leckerlis ois i und i siag des jo ned. Na na na, des mog i scho goa ned. Und jetzt, jetzt khern mei Herrli und mei Frauli mir aloa. Jo, so wia i mas gwünscht hob.

I bin oana vo de Glücklichen de durch des Tierheim Altmünster a neichs Lem kriagt hom. Se hom ma mei Lebensqualität oafoch gsteigert mit der Augen-OP, i bin so voller Lebensfreid des glaubt ma ned. I donk eich do draussn fia eicha Daumen drucka und fia eichre Glückwünsche, fia de vielen Spenden mit de ihr mir mei Augen-OP ermöglicht hobts. I werd jetzt mei Lem genießen und hoff das i nu vü Joahre mit meine Menschn vabringa ko.

Ois Guate fia eich und eichre Familien

Cuba

Unsere Mission

Mit Herz und Verstand zum Wohle aller Tiere.

Unterstützen Sie uns

Schreiben und besuchen Sie uns. Wir freuen uns.

Datenschutz